Celerina/Schlarigna

Infos

Segnels da prescripziun e da precedenza

Illa tschanteda dals 7 october 2019 ho la suprastanza cumünela da Celerina /Schlarigna decis, sün fundamaint da l’art. 3 al 3 e 4 da la Ledscha davart il tra­fic sün via (LTV; DS 741.01) e dal art. 7 al. 1 e 2 da la Ledscha introductiva a la led­scha federela davart il trafic sün via (LI a la LTV; DG 870.100) ils segnels da pre­scripziun e da precedenza sül territori cumünel da Celerina / Schlarigna chi vegnan manzunos cò suot:

Parker cun taxa (Sig. 4.20)
Taxa per ura 0.50 CHF, mincha di da las 7.00 h fin a las 19.00 h.
– Schlarigna, a l’intern da la vschin­auncha, Suot Mulin / Suot Crasta (12 parkegis)
– Schlarigna a l’intern da la vschi­nauncha, parkegi d’inviern Palüds Suot Crasta (ca. 70 plazzas)
Ils segnels da prescripziun e segnels da precedenza sun gnieus appruvos als 13 november 2019 da la Polizia chantunela.

Quista imsüra aintra in vigur zieva cha’d es scuors il termin leghel da recuors cull’instalaziun da la signalisaziun.
Cunter la preschainta disposiziun po gnir fat recuors in scrit, sün fundamaint da l’art. 49 ss da la ledscha davart la giu­risdicziun administrativa (LGA; DG 370.100) infra 30 dis a partir da la publicaziun tar il Tribunel admini strativ dal chantun Grischun. Il recuors ho da gnir inoltro in duos exemplers ed ho da cunt­gnair la pretaisa da dret, ils fats ed üna motivaziun. Ils mussamaints stöglian gnir numnos exactamaing ed haun da gnir inoltros, taunt ch’els sun in possess dal recurrent, insembel culla decisiun avaunt maun. L’acta da recuors ho da gnir suottascritta dal recurrent u da sieu rapreschantant.
Celerina/Schlarigna, ils 2 december 2019
Vschinauncha da Schlarigna/Celerina

Publikation online: 03.12.2019  – PDF-Download


Gemeinden