Celerina/Schlarigna

Infos

Revitalisaziun En, vschinauncha Schlarigna, exposiziun publica proget correcziun dal flüm

1. Lö e temp d’exposiziun
Il proget es expost publicamaing davent dals 22 settember fin als 21 october 2020 ill’administraziun cumünela da la vschinauncha da Schlarigna, Via Maistra 97 ed a l’Uffizi per natüra ed ambiaint dal chantun Grischun tar l’edifizi d’administraziun Sinergia, Ringstrasse 10, 7001 Cuira (art. 11 da la ledscha chantunela sur da la correcziun dals cuors d’ova; LCCA, DG 807.700). Sün fundamaint da las imsüras valablas per COVID-19 es l’invista illa documainta tar l’edifizi d’administraziun Sinergia be pussibla zieva l’annunzcha telefonica tar la recepziun. Düraunt il temp d’exposiziun es la documentaziun eir accessibla via www.anu.ch/gr >Aktuelles per invista u telecharger.

2. Dumandas per permiss pertuchand ledschas specielas
Las seguaintas dumandas sun part dal proget d’exposiziun:
- Dumanda per ün permiss d’eriger fabricats ed implaunts in lös specielmaing periclitos da l’ova da fuonz tenor l’art. 19 al. 2 da la ledscha federela sur da la protecziun da las ovas.
- Dumanda excepziunela per alluntaner vegetaziun a la riva tenor l’art. 22 al. 2 da la ledscha da la natüra e da la protecziun da la patria.
- Dumanda per permiss da dret da pes-cha per intervenziuns tecnicas in ovas tenor l’art. 8 al. 1 da la ledscha federela da pes-cha e tenor l’art. 19 da la ledscha da pes-cha chantunela.
- Dumanda da permiss per eriger implaunts lios al lö chi sun d’interess public e chi sun i’l spazi d’ova tenor l’art. 41c al. 1 da l’ordinaziun da la protecziun da las ovas.
- Dumanda da runcheda tenor l’art. 5 ss. da la ledscha federela da god.
- Dumanda da permiss per ün’excepziun dal resguard da la lingia da fabrica tenor l’art. 18 al. 1 da la ledscha da vias dal chantun Grischun.

3. Restricziun dal dret da dispuoner
Davent dal di da la publicaziun da l’exposiziun sun progets da fabrica infra la zona dal proget suottamiss ad ün permiss dal departamaint d’educaziun, cultura e protecziun da l’ambiaint dal chantun Grischun. Quel permiss vain concess scha’l proget da fabrica nu difficultescha la cumpra da terrain u la realisaziun dal proget.

4. Recuors
4.1. Legitimaziun
Chi chi’d es pertucho dal proget d’exposiziun publica e chi chi po fer valair ün interess degn da gnir protet vi da l’aboliziun u vi d’ün müdamaint ho il dret da fer recuors. Il dret da recuors haun ultra da que las vschinaunchas pertuchedas e chi chi’d ho il dret tenor ledscha federela.

4.2. Objecziuns
A’s po fer valair:
a) Recuors da proget, specielmaing recuors cunter il proget da fabrica e las dumandas concernentas per permiss da dret speciel e cunter üna üna eventuela expropriaziun e la dimensiun da quella;
b) Dumandas d’indemnisaziun, pustüt pretaisas per fer adöver da drets ed otras pretaisas chi resultan our dal dret d’expropriaziun chantunel. La verificaziun da quistas pretaisas vain fatta in üna procedura d’acquist da terrain in seguit al permiss dal proget.

4.3. Temp ed adressat
Recuors sun da drizzer infra il temp d’exposiziun cun üna cuorta argumantaziun a l’Uffizi per natüra ed ambiaint dal chantun Grischun, Ringstrasse 10, 7001 Cuira.
Per pretaisas d’indemnisaziun chi vegnan fattas zievatiers esa da resguarder las consequenzas da negligenza tenor l’art. 17 dal reglamaint d’expropriaziun chantunel (OExp, DG 803.110).

Uffizi per natüra ed ambiaint
Remo Fehr
Mneder d’uffizi
Schlarigna, ils 22 settember 2020

Publikation online: 22.09.2020  – PDF-Download


Gemeinden