Sils/Segl

Infos

1. avuost 2019: serreda da la via a Sils/Segl Maria

1. avuost 2019: serreda da la via a Sils/Segl Maria plazza cumü-nela e spostamaint da las fermedas dal bus a Sils/Segl Baselgia

Il di da la festa naziunela dals 1. avuost vain serro a Sils/Segl Maria il passagi per il traffic da veiculs sülla via cumünela traunter la Chesa cumünela e la baselgia da Segl Maria, davent da la plazza cumünela (plazza da festa) fin tar la baselgia, a partir da las uras 10.15 fin a las 24.00. Pella peja vain avierta la barriera tal Restorant Alpen­rose. Il trafic in Val Fex e da la Val Fex sur la plazza cumünela a Sils/Segl Maria vain fermo sü düraunt las rapreschanta­ziuns da teater a las uras 16.30 e 19.00 e düraunt il discuors da festa a las uras 21.00, mincha vouta per ca. 15–20 min. A Segl Baselgia nun es la fermeda dal bus Sils/Segl Dotturas in funcziun a partir da las uras 10.15 fin a la fin dal servezzan e la fermeda Sils/Segl San Lu­rench vain spusteda a la via maistra chantunela. Manaschunz(a)s da veiculs chi haun lur abitaziuns a Sils/Segl Maria chi sun isoledas da la rait publica in conse­quenza a la serreda, survegnan per il temp da la serreda in chanzlia cumü­nela ün ticket gratuit per la chesa da parker Segl/Val Fex.
Segl, ils 30 lügl 2019
La suprastanza cumünela

Publikation online: 30.07.2019  – PDF-Download


Gemeinden