Sils/Segl

Infos

Exposiziun publica Zavreda da zona da protecziun per ils inchaschs da las funtaunas

Sün fundamaint da l’art 20 da la Ledscha federela davart la protecziun da las ovas (LPA) e da l’art. 24 da la Ledscha chantunela davart la protecziun dad ovas ho la suprastanza cumünela fat elavurer la zavreda da zonas da protecziun per ils inchaschs da las funtaunas manzunos sura.
Actas d’exposiziun (tuottas dal 5-6-2020):
- Plan da las zonas da protecziun «Munt» e «Tschanglas» 1:7‘500/1:1‘000
- Plan da las zonas da protecziun «Muot Selvas» ed «Alp da Segl» 1:5‘000/1:500
- Reglamaint da las zonas da protecziun «Munt», «Tschanglas», «Muot Selvas», «Alp da Segl»
- Rapport idrologic accumpagnant «Munt» e «Tschanglas»
- Cataster da prievels e plan da ris-chs «Munt» e «Tschanglas»
- Rapport idrologic accumpagnant «Muot Selvas» ed «Alp da Segl»
La documentaziun es exposta a partir da la data da publicaziun dad hoz düraunt 30 dis in chanzlia cumünela a Sils/Segl Maria (Invista düraunt las uras da fnestrigl: 9.30-11.30 e 14.30-17.30, u tenor cunvegna telefonica, tel. 081 826 53 16).
Mezs leghels: Chi chi’d es pertucho da la zavreda da zonas da protecziun e craja d’avair ün interess degn da protecziun per l’aboliziun u modificaziun da telas, po recuorrer cunter il plan da zonas protettas e’l reglamaint da las zonas da protecziun infra 30 dis a partir da la data da publicaziun dad hoz. Recuors sun d’inoltrer in scrit a la suprastanza cumünela. Il recuors stu cuntgnair üna motivaziun ed üna dumanda.
Sils/Segl, ils 2 lügl 2020
La suprastanaza cumünela

Publikation online: 02.07.2020  – PDF-Download


Gemeinden