Silvaplana

Infos

Vischnanca Silvaplana: Procedura d'approvaziun dals plans per installaziuns a current ferm Exposiziun publica dals plans

Project nr. L-189608.2Cabel da 16 kV tranter las staziuns da transfurmaziun "staziun sut da la pendiculara Corvatsch" e Margun Vegl - modificaziun
Project nr. L-233424.1Cabel da 16 kV tranter las staziuns da transfurmaziun Margun Vegl e staziun da mez Murtèl - substituziun
A l'inspecturat federal d'installaziuns a current ferm è vegnida inoltrada la dumonda d'approvaziun dals plans ch'è menziunada qua survart.
Dumonda da: Corvatsch AG; Via dal Corvatsch; 7513 Silvaplana
Exposiziun publica:Ils documents da dumonda vegnan exponids publicamain dals 25 da avrigl 2022 fin ils 25 da matg 2022 en la Administraziun cumünela Silvaplana, Via Maistra7513 Silvaplana. Prender invista pon ins mintgamai durant las uras d'avertura ordinarias. L'exposiziun publica chaschuna in scumond d'expropriaziun tenor ils artitgels 42 a 44 da la lescha federala d'expropriaziun (LExpr; CS 711).
Protestas:Tgi ch'è partida tenor las prescripziuns da la LExpr, po far valair durant il termin d'exposiziun tut las dumondas tenor l'artitgel 33 LExpr. Quellas èn principalmain:

a. protestas cunter l'expropriaziun;
b. dumondas tenor ils artitgels 7–10 LExpr;
c. dumonda d'ina prestaziun en natiralias (art. 18 LExpr);
d. dumonda d'ina extensiun da l'expropriaziun (art. 12 LExpr);
e. l'indemnisaziun d'expropriaziun dumandada.

Obligads d'annunziar pretensiuns entaifer il termin da protesta èn er ils locataris ed ils fittadins sco er ils possessurs dal dretg da servitut ed ils crediturs cun dretgs persunals prenotads. Ils dretgs da pegn e las chargias funsilas che garanteschan per in bain immobigliar che fa diever da la servitut funsila, na ston betg vegnir annunziads, ils dretgs da giudida mo, sch'i vegn pretendì ch'i resultia in donn pervia da la retratga da l'object da giudida.
Inspecturat federal d'installaziuns a current ferm
Projects, Luppmenstrasse 1
8320 Fehraltorf
Uffizi d'energia e da traffic dal Grischun
Partiziun per la producziun ed il provediment d'energia
Cuira, 23 avrigl 2022

Publikation online: 23.04.2022  – PDF-Download


Gemeinden