Silvaplana

Infos

Introducziun e realisaziun d’ün müdamaint dal plan da quartier Sonne

I’l sen da l’art. 21 in connex cun l’art. 16, 17 e 18 da l’ordinaziun da la planisaziun dal territori chantunela.
Als 20 settember 2005 ho la vschinauncha da Silvaplauna decis il plan da quartier Sonne cun prescripziuns da plan da quartier, plans, tagls da profil ed ün model. Quist plan da quartier es dvanto leghelmaing valabel zieva cha’d es scadieu il temp da recuors sainza recuors.
Tenor l’art. 16, al. 1 vegnan ils pertuchos dal plan da quartier «Sonne» infurmos in scrit aunz l’exposiziun davart il seguaint:
La suprastanza cumünela da Silvaplauna ho decis in occasiun da sia tschanteda dals 17 avuost 2020 il seguaint:
1. A dess gnir invieda üna müdeda dal plan da quartier
2. Il sböz per las müdedas dal plan da quartier dess gnir expost publicamaing
Las müdedas pertuochan in detagl il seguaint:

a) Sül plan da furmaziun dal quartier:
- Pusiziun da l’areal exclus bügl sülla parcella/areal da fabrica 2111
- Adattaziun fnestra da fabrica tip B sülla parcella/areal da fabrica 2110

b) Sül plan d’avertüra dal quartier:
- Agiunta access local da misteraunza sün parcella/areal da fabrica 2112
- Adattaziun access chesa 1
- Aboliziun areal marchapè
- Adattaziun access halla da parker sün parcella/areal da fabrica 2110
- Adattaziun access chesa 5 sün parcella nr. 2108 e chesa 6 sün parcella nr. 2109

c) Sül plan d’avertüra dal quartier provedimaint ed alluntanamaint: Aboliziun areal per ramasser las immundizchas

d) Illas prescripziuns dal plan da quartier:
- Aboliziun da l’art. 33 concernent areal per ramasser las immundizchas
- Aboliziun da l’art. 25 concernent il marchapè
La suprastanza cumünela expuona publicamaing düraunt 30 dis l’introducziun da la müdeda dal plan da quartier culla limitaziun dal territori da planisaziun scu eir il sböz per la müdeda dal plan da quartier. L’exposiziun vain publicheda illa Posta Ladina/Engadiner Post.
Düraunt l’exposiziun publica po gnir fat recuors in scrit e cun motivaziun per mauns da la suprastanza cumünela. Per la legitimaziun da recuors velan las listessas premissas scu pel recuors da planisaziun per mauns da la Regenza.
Instanza da recoursSuprastanza cumünela da Silvaplauna,
Via Maistra 24, 7513 Silvaplauna
Silvaplauna, ils 1. settember 2020

Publikation online: 05.09.2020  – PDF-Download


Gemeinden