Silvaplana

Infos

Zona da planisaziun – Prolungiaziun

A chaschun da sia tschanteda dals 3 avuost 2011 ho la suprastanza cumünela decreto, sün fundamaint da l’art. 21 da la Ledscha davart la planisaziun dal territori per il chantun Grischun (LPTGR), sur tuot il territori da fabrica üna zona da planisaziun cul böt dad adatter resp. abolir l’art. 8 „Zona da fabrica cun planisaziun cun vigur leghela“ da la Ledscha da fabrica da la vschinauncha da Silvaplauna, confuorm a las premissas da la Ledscha davart la planisaziun dal territori per il chantun Grischun (LPTGR). In particuler per que chi reguarda la tabella e la conversiun dal volüm dals edifics a surfatscha per plaun brüt (CR nr. 1728). Insembel culla revisiun da la ledscha da fabrica nun ho l’elavuraziun da quist artichel auncha pudieu gnir glivreda.

Il Departamaint d’economia e fats sociels (GR) ho perque, sün dumanda da la suprastanza cumünela, prolungio la zona da planisaziun existenta chi cumpiglia tuot il territori cumünel fin als 3 avuost 2021.

Illa zona da planisaziun nu suos-cha gnir interprais ünguotta chi pudess difficulter la nouva planisaziun u cuntraster a quella. Impustüt paun gnir concess progets da fabrica be sch’els nu cuntrastaun ni a las planisaziuns cun vigur leghela ni a las nouvas planisaziuns previsas ed a las prescripziuns respectivas.
La suprastanza cumünela da Silvaplauna
Silvaplauna, ils 11 settember 2020

Publikation online: 15.09.2020  – PDF-Download


Gemeinden