Silvaplana

Infos

Exposizun publica Dumanda da permiss per ün proget per la sanaziun dal passagi da peschs tar la serra da regulaziun Buocha da Sela

Lö e termin da l’exposiziunLa dumanda da permiss per il proget da la San Murezzan Energia inclusiv dossier dal proget sun exposts publicamaing dals 23 favrer als 25 marz 2021 e paun gnir consultos i’l Center administrativ Sinergia, Ringstrasse 10, 7001 Cuira, scu eir tar la vschinauncha da Silvaplauna.
Cuorta descripziun da la dumanda da permissAls 20 december 2019 vaiva la San Murezzan Energia già üna vouta inoltro il proget da sanaziun per l’approvaziun. L’examinaziun da la varianta da sanaziun ho però demusso cha’l lö tschernieu da la vart schnestra da la serra nun es sufficiaint per ün permiss, e que per radschuns da la protecziun da l’ova da fuonz. Perque ho stuvieu gnir elavureda scu alternativa da sanaziun la cò preschainta varianta chi vain uossa inoltreda per l’examinaziun ed approvaziun.
La regulaziun dals lejs serva in prüma lingia per la protecziun cunter ovazuns ed impalüdamaint. Düraunt ils mais d’inviern vain uschè garantieu il livel da l’ova dal Lei da San Murezzan. Ils drets e’ls dovairs sun reglos in üna cunvegna traunter las vschinaunchas territorielas. Per incumbenza da las vschinaunchas ho la San Murezzan Energia inoltro la dumanda da permiss pel proget. Quist prevezza da saner la serra da regulaziun dals lejs Buocha da Sela in reguard a la libra migraziun dals peschs in mira.
Culla dumanda da permiss pel proget vain dumando per tuot ils permiss bsögnaivels per la sanaziun e renovaziun da la serra da regulaziun da ledschas specielas (coordinaziun procedural e concentraziun tenor art. 58 da la Ledscha davart ils drets da las ovas dal chantun Grischun).
RecuorsChi chi’d es pertucho dal proget d’exposiziun ed ho ün interess degn da protecziun a sia realisaziun, a sieu impedimaint u müdedas, es autoriso da fer recuors cunter il proget (Art. 57 in coll. cun art. 54 da la Ledscha davart ils drets da las ovas dal chantun Grischun).
Legitimedas da fer recuors sun ultra da que las vschinaunchas pertuchedas e chi chi’d es legitimo seguond dret federal.
Instanza da recuorsRecuors sun d’inoltrer infra il termin d’exposiziun in scrit e cun üna cuorta motivaziun al Departamaint per infrastructura, energia e mobilited dal Grischun, Center administrativ Sinergia, Ringstrasse 10, 7001 Cuira.
Sivaplauna, ils 23 favrer 2021

Publikation online: 23.02.2021  – PDF-Download


Gemeinden