09.10.2019
Per eviter disturbis e la periclitaziun dals ütiliseders da las vias (trafic public, servezzan d’inviern, veiculs d’immundizchas, peduns e.o.), haun da gnir taglios tuot ils bös-chs e frus-chers lung ils streduns e las vias frequentedas da veiculs publics i’l territori abito, da möd cha nu tendscha ramma i’l spazi da la via (art. 21 dal Uorden stradel dal chantun Grischun scu eir art. 9 da la Ledscha da polizia Sils i.E./Segl). Ils ütiliseders da las vias haun da gnir protets da bos-cha chi crouda u chi rumpa resp. ramma chi rumpa dal pais da la naiv. Impü s’ho da fer attenziun cha l’iglüminaziun da la via e las tevlas da trafic nu vegnan zugliedas da ramma. Ils cunfinants pertuchos cun las vias sun intgnieus d’effettuer la lavur da taglier fin a la fin d’october 2019. La ramma e las manzinas tagliedas paun gnir deponidas a la plazza da compost sper la staziun suot da la pendiculera da Furtschellas. Scha las quantiteds surpassan 1.5 m3, ho da gnir aviso al mneder da l’ufficina cumünela (tel. 079 907 56 00). Cunter pajamaint po gnir incumbenzo il silvicultur da rievier (tel. 081 826 59 33).
Sils/Segl, ils 10 october 2019
Administraziun cumünela da Segl
PDF herunterladen