16.06.2021
1. Lieu e durada da l’exposiziun
Las actas dal project èn avertas per invista dals 18 da zercladur 2021 fin ils 18 da fanadur 2021 en l’administraziun communala, Via Cumünela 43, 7522 La Punt Chamues-ch (art. 11 da la Lescha davart la correcziun dals curs d’aua en il chantun Grischun; LCCA, DG 807.700). Durant il termin d’exposiziun stattan las actas dal project er a disposiziun per prender invista e telechargiar sut www.tiefbauamt.gr.ch > Actualitads.

2. Dumondas per permissiuns spezialas
Las suandantas dumondas èn parts dal project d’exposiziun:
-dumonda da permissiun per inducir u per laschar sfundrar aua persa smerdada tractada tenor l’art. 7 al. 1 da la Lescha federala davart la protecziun da las auas
-dumonda da permissiun per projects da construcziun en secturs spezialmain periclitads tenor l’art. 19 al. 2 da la Lescha federala davart la protecziun da las auas
-dumonda da permissiun per construir stabiliments liads al lieu ch’èn d’interess public en il spazi d’aua tenor art. 41c al. 1 da l’Ordinaziun federala davart la protecziun da las auas
-dumonda da permissiun tenor la legislaziun da pestga per far intervenziuns tecnicas en las auas tenor l’art. 8 al. 1 da la Lescha federala davart la pestga

3. Restricziun dal dretg da disponer
A partir dal di da la publicaziun uffiziala da l’exposiziun èn projects da construcziun entaifer il territori cumpiglià en il project suttamess ad ina permissiun dal Departament d’infrastructura, energia e mobilitad dal Grischun. Quella vegn concedida, sch’il project da construcziun n’ha naginas consequenzas engrevgiantas per l’acquist da terren u per la realisaziun dal project.

4. Protestas
4.1Legitimaziun
Tgi ch’è pertutgà dal project d’exposiziun e po far valair in interess degn da vegnir protegì per abolir u per midar quel, ha il dretg da far protesta. Il dretg da far protesta han plinavant las vischnancas pertutgadas e tgi ch’è autorisà tras il dretg federal da far quai.

4.2Objecziuns
I pon vegnir fatgas valair:
a)objecziuns cunter il project d’exposiziun e cunter las dumondas per ulteriuras permissiuns ch’èn colliadas cun quel sco er cunter in’expropriaziun previsa e cunter sia dimensiun;
b)dumondas d’indemnisaziun, en spezial pretensiuns per ils dretgs che vegnan fatgs valair e per autras pretensiuns che resultan dal dretg chantunal d’expropriaziun. La rectificaziun da questas dumondas ha lieu suenter l’approvaziun dal project en la procedura per l’acquist da terren.

4.3Termin ed adressat
Protestas èn d’inoltrar entaifer il temp d’exposiziun cun ina curta argumentaziun al Departament d’infrastructura, energia e mobilitad dal Grischun, Ringstrasse 10, 7001 Cuira.
Sche pretensiuns d’indemnisaziun vegnan fatgas valair posteriuramain, ston vegnir observadas las consequenzas da la negligientscha tenor l’art. 17 da l’Ordinaziun chantunala d’expropriaziun (OExp; DG 803.110).
Departament d’infrastructura, energia e mobilitad dal Grischun Il schef:
Dr. Mario Cavigelli, president da la Regenza
Cuira, ils 17 gün 2021
PDF herunterladen