01.09.2021
Sün fundamaint da l’art. 48 al. 4 da la Ledscha davart la planisaziun dal territori per il chantun Grischun (LPTGR) ho lö l’exposiziun da recuors in connex culla revisiun parziela da la planisaziun locala decisa da la radunanza cumünela dals 15 lügl 2021.

Fatschenda: Revisiun parziela da la planisaziun locala, spazis d’ovas Actas d’exposiziun:
– plan da zonas 1:2500 Samedan nord plan da las müdedas
– plan da zonas 1:2500 Samedan center plan da las müdedas
– plan da zonas 1:2500 Samedan süd plan da las müdedas
– plan da zonas 1:2500 Samedan nord plan dinfurmaziun
– plan da zonas 1:2500 Samedan center plan d’infurmaziun
– plan da zonas 1:2500 Samedan süd plan d‘infurmaziun
– Rapport da planisaziun e da cooperaziun

Termin d’exposiziun: 30 dis (dals 3 settember 2021 als 4 october 2021)

Lö d’exposiziun / urari: Chesa cumünela da Samedan, Plazzet 4, 7503 Samedan, local da publicaziuns al plaun terrain, düraunt las uras d’avertüra valablas. Las actas d’exposiziun paun eir gnir consultedas scu documaints PDF suot www.samedan.ch suot la rubrica publicaziuns ufficielas.

Recuors da planisaziun: Persunas chi haun ün egen interess degn da protecziun da contester la planisaziun u chi sun legitimedas tenor dret federel da fer quetaunt, paun inoltrer infra 30 dis a partir da la data da publicaziun dal di d’hoz ün recuors da planisaziun cunter la planisaziun locala.

Organisaziuns per la protecziun da l’ambiaint: Organisaziuns per la protecziun da l’ambiaint exerciteschan lur dret da recuors sün fundamaint da l’art. 104 al. 2 LPTGR, q.v.d. ch’ellas s’annunzchan infra il termin da recuors tar l’Uffizi chantunel per il svilup dal territori (UST) ed inoltreschan tuot tenor in seguit üna posiziun.
In nom da la suprastanza cumünela
Gian Peter Niggli, President cumünel
Claudio Prevost, Actuar cumünel
Samedan, ils 27 avuost 2021
PDF herunterladen