06.09.2021
A chaschun da sia tschanteda dals 3 avuost 2021 ho la suprastanza cumünela decreto, sün fundamaint da l’art. 21 da la Ledscha davart la planisaziun dal territori per il chantun Grischun, üna zona da planisaziun chi cumpiglia l’inter territori da fabrica cul böt dad adatter resp. abolir l’art. 8 „Zona da fabrica cun planisaziun da quartier cun vigur leghela“ da la ledscha cumünela da fabrica, respettand las directivas da la Ledscha davart la planisaziun dal territori per il chantun Grischun (LPTGR). Ouravaunt tuot per que chi reguarda la tabella e la conversiun dal volüm dals edifizis in surfatscha dal plaun brutto (DG nr. 1728). In connex culla revisiun da la ledscha da fabrica nun ho l’elavuraziun da quist artichel auncha pudieu gnir mneda a term.

Il Departamaint da l’economia publica e fats sociels ho perque prolungieu, sün dumanda da la suprastanza cumünela, la zona da planisaziun già existenta da l’inter territori cumünel fin als 3 avuost 2022.

Illa zona da planisaziun nu suos-cha gnir interprais ünguotta chi pudess difficulter la nouva planisaziun u cunctraster a tela. In particuler suos-chan gnir permiss progets da fabrica be scha quels nu cuntradischan ni a las prescripziuns in vigur, ni a las nouvas planisaziuns e prescripziuns previssas.
La suprastanza cumünela Silvaplauna
Silvaplauna, ils 7 settember 2021
PDF herunterladen