04.10.2021
Culla resoluziun nr. 844 ho la regenza dal chantun Grischun – applichand l’art. 49 da la ledscha chantunela davart la planisaziun dal territori (LPTGR) – appruvo als 21 settember 2021 la revisiun parziela da la planisaziun locala, gnida appruveda als 3 meg 2021 da la radunanza cumünela, e que cullas seguaintas prescripziuns ed indicaziuns:

Plaun da zonas e plaun generel da furmaziun 1:2’000 zona dad ovas e zona da prievel da la vschinauncha da La Punt Chamues-ch
a) Il perimeter cun effet suspensiv per tuot las lingias da distanza da l’ova e tuot las zonas da prievel da la planisaziun d’ütilisaziun leghelmaing valabla vain ingrandieu i’l territori Chaunt Sech/Alp Müsella, e que da maniera ch’el cumpiglia tuot l’areal da registraziun leghelmaing valabel. Cotres vain annulleda eir quista determinaziun.

b) Il perimeter cun effet suspensiv per tuot las lingias da distanza da l’ova e tuot las zonas da prievel da la planisaziun d’ütilisaziun leghelmaing valabla vain ingrandieu da maniera ch’el cumpiglia eir l’areal da registraziun leghelmaing valabel dal territori Isellas. Cotres vain annulleda eir quista determinaziun.

c) La vschinauncha vain dumandeda da revair ed adatter la zona d’ova scu eir la zona da reservat i’l territori da l’agna Isla Glischa-Arvins-Seglias, as basand süllas nouvas premissas.

Plaun da zonas 1:2’000 zonas da prievel Alp Proliebas, Stevel da la Bes-cha, Serlas, Alp Prüna e Pass da l’Alvra
a) Il perimeter cun effet suspensiv per tuot las zonas da prievel da la planisaziun d’ütilisaziun leghelmaing valabla vain ingrandieu i’l territori vers süd dal plaun Pass da l’Alvra, e que da maniera ch’el cumpiglia tuot l’areal da registraziun leghelmaing valabel. Cotres vain annulleda eir quista determinaziun.

b) Il perimeter cun effet suspensiv per tuot las zonas da prievel da la planisaziun d’ütilisaziun leghelmaing valabla vain ingrandieu illa part vers ost dal plaun Alp Proliebas, e que da maniera ch’el cumpiglia tuot l’areal da registraziun leghelmaing valabel. Cotres vegnan annulledas eir quistas determinaziuns.

c) Il perimeter cun effet suspensiv per tuot las zonas da prievel da la planisaziun d’ütilisaziun leghelmaing valabla vain ingrandieu illa part vers nord dal plaun Stevel da la Bes-cha, e que da maniera ch’el cumpiglia tuot l’areal da registraziun leghelmaing valabel. Cotres vegnan annulledas eir quistas determinaziuns.

Ils mezs da planisaziun appruvos e la resoluziun cumpletta da la regenza sun exposts ad invista per 30 dis illa chanzlia cumünela düraunt las uras d’avertüra.

LA SUPRASTANZA CUMÜNELA DA LA PUNT CHAMUES-CH
Il president: Jakob Steiger
L’actuar: Urs Niederegger
7522 La Punt Chamues-ch, ils 5 october 2021
PDF herunterladen