15.11.2021
Culla resoluziun nr. 954 ho la regenza dal chantun Grischun – applichand l’art. 49 da la ledscha chantunela davart la planisaziun dal territori (LPTGR) – appruvo als 9 november 2021 la revisiun parziela da la planisaziun locala (Truochs/La Resgia – Innhub), gnida appruveda als 23 lügl 2020 da la radunanza cumünela, e que cullas seguaintas prescripziuns ed indicaziuns:
-Il plaun da zonas, plaun generel da furmaziun e plaun generel d’avertüra dal terrain 1:1000 dals 23 lügl 2020 vain appruvo i’l sen da las consideraziuns.
-Aunz cu fer ulteriuras revisiuns da la planisaziun locala chi pertuochan ün ingrandimaint u spustamaint dal territori abito, vain la vschinauncha dumandeda da s’infurmer tar l’uffizi chantunel pel svilup dal territori, quaunt grand cha l’ingrandimaint u il spustamaint possa auncha esser, per cha las revisiuns possan gnir appruvedas sainza ün’adattaziun preliminera dal plaun directiv.
-Il recuors da planisaziun es gnieu stricho cun disposiziun dal Departamaint d’economia e fats sociels in consequenza d’accomodamaint/retratta.
-Scha que voul permiss da qualunque gener per la realisaziun da la planisaziun, resta arsalveda la decisiun da permiss da l’autorited u da l’uffizi respunsabel.
Ils mezs da planisaziun appruvos e la resoluziun cumpletta da la regenza sun exposts ad invista per 30 dis illa chanzlia cumünela düraunt las uras d’avertüra.
Il president: Jakob Stieger
L’actuar: Urs Niederegger
7522 La Punt Chamues-ch, ils 16 november 2021
PDF herunterladen