12.01.2022
1. La suprastanza cumünela da Segl ho l’intenziun d’introdür las seguaintas ordinaziuns da trafic:

- permiss da parker (sig. 4.17)
tevla supplementera: maximelmaing 30 minuts
Segl, Via da Marias, plazza da parker Fainera,
Segl Maria (12 plazzas)

- parker cunter taxa (sig. 4.20), ura da parker centrela
taxas: 1 h = fr. 3.--, 2 h = fr. 5.--, mincha ulteriura h = fr. 2.--,
a partir da 12 h = fr. 1.--/h, düreda da parker maximela 24 h
Segl, Via da Marias, plazza da parker Fainera,
Segl Maria (35 plazzas)

- permiss da parker (sig. 4.17)
tevla supplementera: maximelmaing 15 min.
Segl, Via da Marias, plazza da parker Center d’infurmaziun,
Segl Maria (5 plazzas)

- permiss da parker (sig. 4.17)
tevla supplementera: maximelmaing 15 min.
Segl, Via da Marias, Segl Maria, plazza da parker Plazza Cumünela (2 plazzas)

2. La part dal decret dal departamaint dals 28-11-1994 chi pertuocha la plazza da parker Fainera vain rimplazzeda tres la nouva ordinaziun.

3. La restricziun da trafic planiseda es gnida appruveda preliminermaing als 20-12-2021 da la pulizia chantunela sün basa da l’art. 7 al. 1 e 2 da la ledscha introductiva chi sto in connex culla ledscha federela davart il trafic sün via (LILTV) e sün basa da l’art. 4 da l’ordinaziun da la ledscha introductiva chi sto in connex culla ledscha federela davart il trafic sün via (OLILTV).

4. Objecziuns e pusiziuns in connex cull’ordinaziun da trafic planiseda paun gnir inoltredas infra 30 dis a partir da la publicaziun tar la suprastanza cumünela da Segl. Zieva avair examino las pusiziuns entredas, decida la vschinauncha e publichescha sia decisiun i’l fögl ufficiel dal chantun cun ün’indicaziun dals mezs leghels.
La suprastanza cumünela da Segl
Segl, ils 13 schner 2022
PDF herunterladen