09.02.2022
A basa da l’artichel 21 da la ledscha chantunela per la planisaziun dal territori (KRG) ho la suprastanza cumünela, in sia tschanteda dals 2 october 2019 decreto ün zona da planisaziun.

Mera da la zona da planisaziun:

• Examinaziun d’üna reducziun da la zona da construcziun dadour u a l’ur dal territori pü u main surfabricho confuorm las premissas da l’art. 15 alinea 1 e 2 (ledscha davart la planisaziun dal territori) scu eir il plan directiv chantunel aglomeraziun (KRIP-S) decis als 20 marz 2018.
• Realisaziun da las ulteriuras prescripziuns da l’art. 15 scu eir dal KRIP-S, surtuot reguard la promoziun d’üna preziusa aglomeraziun e d’üna renovaziun d’aglomeraziun
(KFIP-S, cifra 5, 1, 2 instrucziun d’agir).

A basa dal decret dal departamaint d’ economia publica e fats sociels dal Grischun (DES) dals 7 schner 2022 vain la zona da planisaziun prolungeda per duos ans, voul dir fin als 1. october 2023 (Art. 21 alinea. 3 LPT).

Illa zona da planisaziun nu po gnir fat ünguotta chi difficultescha u chi’d es cuntrari a la nouva planisaziun. In speciel paun gnir do permiss da fabrica be sch’els nu cuntradeschan a planisaziuns u prescripziuns leghelmaing valablas u planisaziuns previsas. Zieva l’appruvaziun dals mezs da planisaziun revais tres la Regenza dal chantun Grischun vain la zona da planisaziun darcho abolida.

Cunter quista decisiun po gnir fat recuors infra 30 dis tar la Regenza dal chantun Grischun daspö la publicaziun.
La suprastanza cumünela
S-chanf, 10 favrer 2022
PDF herunterladen