31.01.2020
La suprastanza cumünela da Celerina/Schlarigna ho decis cun data dals 27 schner 2020 davart la seguainta fatschenda:
Per la baselgia Bel Taimpel dess gnir elavuro ün proget per ün’ütilisaziun futura per L’Archiv Culturel d’Engiadin’Ota ed eventuelmaing per la famiglia d’artists Pedretti. L’Archiv Culturel ho fat per quel intent üna stima dals cuosts i’l import da Fr. 54410.– La suprastanza cumünela ho appruvo per que ün credit da suprastanza.
Sün fundamaint da l’ art. 23 da la constituziun cumünela suottasto quista decisiun al referendum da finanzas. Il termin da referendum s’amunta a 30 dis e düra dals 3 favrer 2020 fin als 3 marz 2020.
7505 Celerina/Schlarigna, ils 1. favrer 2020
Suprastanza Cumünela Celerina/Schlarigna
Il president: Chr. Brantschen
L’actuar cumünel: B. Gruber
PDF herunterladen