17.02.2020
1.Lö e termin da l’exposiziun La dumanda d’approvaziun dal proget da «San Murezzan Energia» incl. il dossier dal proget sun exposts ad invista dals 18 favrer fin als 19 marz 2020 a l ’Uffizi d’energia e trafic,
Rohanstr. 5, 7001 Cuira, scu eir illa chanzlia cumünela da Sils i.E./Segl.
2. Cuorta descripziun da la dumanda da permiss In cooperaziun culla vschinauncha da Segl ho la «San Murezzan Energia» inoltro la seguainta dumanda d’approvaziun da proget. Quist prevezza da saner la serra da regulaziun dal lej Segl Baselgia in reguard a la migraziun libra da las spezchas da peschs da mira. La varianta propuonida d’ün’«optimaziun dal passagi a sfessa existent» s’ho cristalliseda ill’evaluaziun traunter il planisatur, il mneder e l’Uffizi da chatscha e pes-cha per la preschainta dumanda d’approvaziun da proget. Insembel culla dumanda d’approvaziun da proget vain supplicho per la concessiun da tuot ils permiss da legislaziun speciela necessaris per la sanaziun e la renovaziun da la serra da regulaziun (coordinaziun e concentraziun da las procedurasseguond l’art. 58 da la Ledscha davart il dret da las auas dal Grischun).
3.Recuors Chi chi’d es pertucho dal proget expost ed ho ün interess degn da protecziun per la realisaziun, l’impedimaint u la müdeda da quel, es autoriso da fer recuors cunter quel intent (art.57 i.coll.c. art. 54 da la Ledscha davart il dret da las auas dal Grischun). Legitimedas da fer recuors sun impü las vschinaunchas pertuchedas e chi chi’d es autoriso da fer que tenor dret federel. Recuors sun d’inoltrer infra il temp d’exposiziun in scrit cun üna cuorta motivaziun al Departamaint da construcziun, trafic e silvicultura, Stadtgartenweg 11, 7001 Cuira.
Sils/Segl, ils 18-2-2020
La suprastanza cumünela
PDF herunterladen