02.05.2022
La Regiun Malögia ho elavuro il concept regiunel da territori e suottamiss a la populaziun per la cooperaziun publica:

- Concept regiunel da territori da la Regiun Malögia dals 28 avrigl 2022
Culla cooperaziun publica e la consultaziun tar las vschinaunchas da la Regiun vain garantida l’infurmaziun e cooperaziun da la populaziun tenor l’art. 4 da la Ledscha federela davart la planisazun dal territori.
Düraunt la cooperaziun publica po minchün/-a inoltrer in scrit propostas ed objecziuns.
Termin d’exposiziun dals 3 meg als 30 gün 2022
Lö d’exposiziun Las actas per la cooperaziun sun expostas i’l Post da gestiun da la Regiun Malögia, Chesa Ruppanner, Quadratscha 1, 7503 Samedan.
L’invista illas actas es pussibla düraunt las uras da büro ufficielas dal Post da gestiun da la Regiun. Nus giavüschains da s’annunzcher ouravaunt per telefon.
La documantaziun e’l formular per la cooperaziun paun gnir consultos e retrats sülla pagina d’internet da la Regiun (www.regio-maloja.ch).
Inoltraziuns Ils resuns in scrit cun propostas ed objecziuns sun d’inoltrer, cul formular da cooperaziun, fin il pü tard als 30 gün 2022 a la Regiun Malögia, Quadratscha 1, 7503 Samedan, e-Mail: jenny.kollmar@regio-maloja.ch
Samedan, ils 29 avrigl 2022
PDF herunterladen