29.06.2022
La suprastanza cumünela da Celerina/Schlarigna ho decreto, a chaschun da sia tschanteda dals 27 gün 2022, sün fundamaint da l’art. 21 da la Ledscha davart la planisaziun dal territori per il Chantun Grischun (LPTGR), üna zona da planisaziun cun las seguaintas finamiras:

•Mantegnimaint e promoziun da spazi d’abiter per la populaziun indigena sün fundamaint dals art. 3 e 12 da la Ledscha davart abitaziuns secundaras: in particuler l’examinaziun e decret d’eventuelas imsüras i’l sen da l’art 12 da la Ledscha davart abitaziuns secundaras, per eviter svilups na giavüschos in seguit ad imsüras da fabrica e müdedas da funcziun petuchant l’ütilisaziun d‘abitaziuns da dret vegl scu eir l’examinaziun da l’introducziun da quotas da prümas abitaziuns in cas dad imsüras da fabrica vi dad abitaziuns da dret vegl ed abitaziuns transitoricas.

•Protecziun da la revisiun generela da la Ledscha da fabrica currainta e dals plans da l’uorden dal territori, in particuler in reguard a müdedas vi da las zonas da fabrica ed otras zonas d’ütilisaziun intenziunedas, scu eir in connex cull’ütilisaziun spargnuossa dal terrain, ils sectuors ed objects da concepziun e la concepziun da progets da fabrica.

La zona da planisaziun vela per l’inter territori da la vschinauncha da Celereina/Schlarigna.

Illa zona da planisaziun nu po gnir intraprais ünguotta chi pudess difficulter la nouva planisaziun u cuntraster a tela. In particuler paun progets da fabrica e müdedas d’ütilisaziun gnir permissas be scha nu cuntradischan ni a las planisaziuns in vigur ni a las prescripziuns (art. 21 al. 2 LPTGR).

La zona da planisaziun vela a partir da dalum fin a l’entreda in vigur da las nouvas prescripziuns, il pü lönch però fin al decuors da duos ans a partir da la preschainta publicaziun. Arsalveda resta üna prolungaziun da la zona da planisaziun cun approvamaint dal Chantun.

La suprastanza cumünela s’arsalva da concretiser la zona da planisaziun mincha mumaint tuot tenor il stedi da la planisaziun resp. d’adatter la zona da planisaziun a quel.

Il decret da la preschainta zona da planisaziun po gnir contesto infra 30 dis a partir da la publicaziun tres recuors da planisaziun seguond l’art. 101 LPTGR) tar la Regenza dal Chantun Grischun.

La publicaziun da la zona da planisaziun succeda i’l Fögl Ufficiel dal Chantun Grischun ed ill’ Engadiner Post/Posta Ladina.
Suprastanza cumünela Celerina/Schlarigna
Celerina/Schlarigna, ils 30 gün 2022
PDF herunterladen