07.09.2022
Per eviter impedimaints e prievels pels ütiliseders da vias (servezzan d’inviern, transport d’immundizchas, trafic public, peduns e.o.p.) stu gnir taglieda la bos-cha e la frus-chaglia lung las vias ufficielas e vias chi vegnan druvedas da veiculs publics i’l territori abito, e que uschè cha la ramma nu taundscha pü aint il spazi da la via (art. 9 da la ledscha da pulizia da Segl ed art. 21 da l’ordinaziun davart las vias dal chantun Grischun).
Ad es d’eviter ch’ütiliseders da vias vegnan periclitos tres bös-chs chi cupichan u ramma chi rumpa giò suot la chargia da naiv. L’iglüminaziun da las vias e las tevlas da trafic nu suos-chan gnir zugliedas da plauntas.

Ils proprietaris da terrain cunfinant a la via vegnan dumandos da fer quistas lavuors fin la mited d’october 2022. In cas ch’els nun observan quista prescripziun, s’arsalva la vschinauncha il dret da taglier la ramma a cuost dals proprietaris pertuchos.

La ramma taglieda po gnir deponeda fin la mited d’october tar la plazza da cumpost tar la sarinera Segl al Lej da Silvaplauna (vart dal süd da la sarinera). Scha la quantited surpassa 1.5 m3, stu gnir fatta ün’annunzcha tal capolavuraint da la gruppa da lavur (079 907 56 00). Ad egen quint po eir gnir incumbenzo il silvicultur da revier (081 826 59 33).
L’administraziun cumünela da Segl
Segl, ils 8 settember 2022
PDF herunterladen