14.12.2022
La suprastanza cumünela da Samedan renda attent, cha’d es scumando dad ir illas zonas da protecziun da god e sulvaschina. Mincha access e tuottas activiteds da sport, numnedamaing l’ir culs skis, cul snowboard e cun gianellas, dadour las vias e sendas signalisedas es scumando. Il scumand vela dals 20 december 2022 fin als 30 avrigl 2023.

Que vela pels territoris Muntatsch-Clavadatsch, Muottas-Champagna, Val Roseg e Val Bever. Ils territoris sun signalisos. Üna survista da tuot las zonas da protecziun es avaunt maun sün la pagina d’internet „www.jagd-fischerei.gr.ch“.

Nus supplichains instantamaing als sportists d’inviern da respetter quista regulaziun. Cuntravenziuns vegnan chastiedas cun üna multa disciplinara da frs 150.
La suprastanza cumünela
Samedan, ils 15 december 2022
PDF herunterladen