12.12.2022
La radunanza cumünela da Samedan ho appruvo als 8 december 2022 la seguainta dumanda da credit: CHF 2’950’000 incl. imposta sülla püvalur per la sanaziun da l’infrastructura Plazzet – Quadratscha

Tenor l’art. 22 al. 2 da la constituziun cumünela es quista decisiun suottamissa al referendum da finanzas facultativ. Scha almain 175 persunas cun dret da vuscher pretendan in scrit infra 14 dis a partir da la publicaziun üna votaziun a l’urna, schi vain suspaisa l’entreda in vigur da quista decisiun. Scha nu vain fat adöver dal referendum, es la decisiun da la radunanza cumünela leghelmaing valabla. Il temp da referendum düra fin als 27 december 2022.
La suprastanza cumünela
Samedan, ils 13 december 2022
PDF herunterladen