18.01.2023
La suprastanza cumünela da Celerina/Schlarigna ho decis a chaschun da sia tschanteda dals 9 schner 2023, sün fundamaint da l’art. 21 da la Ledscha davart la planisaziun dal territori per il chantun Grischun (LPTGR), l’aboliziun parziela da la zona da planisaziun decreteda als 27 gün 2023:

1. La zona da planisaziun decreteda als 27 gün 2022 vain abolida sainza substituziun, taunt scu ch’ella es gnida decreteda in vista ad imsüras i’l sen da l’art 12 da la Ledscha davart abitaziuns secundaras.

2. Cunter quista decisiun da la suprastanza cumünela po gnir fat recuors da planisaziun tar la Regenza dal chantun Grischun infra 30 dis a partir da la publicaziun. Legitimedas per recuorrer sun persunas chi haun ün egen interess degn da protecziun e chi sun legitimedas tenor dret federel per fer recuors.

3. Quista decisiun vain publicheda illa Engadiner Post/Posta Ladina ed i’l Fögl Ufficiel chantunel.

La decisiun motiveda da la suprastanza cumünela da Celerina/Schlarigna po gnir consulteda sülla homepage da la vschinauncha da Celerina/schlarigna suot il seguaint link:
https://www.gemeinde-celerina.ch/gemeinde-celerina/aktuelles
La suprastanza cumünela da Celerina/Schlarigna
Celerina/Schlarigna, ils 19 schner 2023
PDF herunterladen