11.03.2020
Sün fundamaint da l’art. 48 al. 4 da la Ledscha davart la planisaziun dal territori per il chantun Grischun (LPTGR) ho lö l’exposiziun da recuors davart la revisiun parziela da la planisaziun locala sectur abitedi, decisa da la radunanza cumünela da La Punt Chamues-ch als 6 marz 2020.

Object: revisiun parziela planisaziun locala, sectur abitedi

Actas da l’exposiziun:
- Ledscha da fabrica
- Plan da zonas 1:2‘000
- Plan generel da furmaziun 1:1‘000

Basas:
- Rapport da planisaziun e cooperaziun
- Profil directiv cumünel dal spazi
- Fögl da datas e survista capacited da la zona da fabrica

Termin da l’exposiziun: dals 13 marz 2020 als 11 avrigl 2020

Lö/temp da l’exposiziun: chanzlia cumünela düraunt las uras d’avertüra

Müdedas essenzielas zieva l’exposiziun da cooperaziun:
Ledscha da fabrica:
- Annulaziun da tuot las determinaziuns davart la zona d’hotels Arvins
- Art. 15, possess actuel: garanzia dal possess actuel per transports d’ütilisaziun/ transferimaints d’ütilisaziun
- Art. 22, lungezza dals edifizis: annexs nu vegnan quintos tiers per eruir la lungezza da l’edifizi
- Art. 29, zona da pos per sulvaschina: precisaziun da la regulaziun. La suprastanza cumünela po definir zonas da pos per sulvaschina per temp limito.
- Art. 46, permiss da fabrica: cumplettaziun in reguard al dovair d’avis e permiss supplementers

Plan general da furmaziun e plan d’avertüra zona d’hotels Arvins
- Annulaziun

Plan da zonas 1:2’000
- Annulaziun da la zona d’hotels Arvins
- Adattaziun da la zona da fabrica tar las parc. nr. 70, 387, 412, 397, 390 ed 80
- Attribuziun da la parc. nr. 451 a la zona da surfatschas verdas
- A la parc. 485 vain impost ün dovair da fabrica

Recuors da planisaziun
Persunas chi haun ün egen interess degn da protecziun ad ün recuors cunter la planisaziun u chi sun legitmedas tenor dret federel da fer que, paun recuorrer in scrit cunter la planisaziun locala tar la Regenza infra il termin d’exposiziun (30 dis).

Organisaziuns per la protecziun da l’ambiaint:
Organisaziuns per la protecziun da l’ambiaint exerciteschan lur dret da recuors seguond l’art. 104 al.2 LPTGR, qvd. ch’ellas annunzchan lur partecipaziun a la procedura infra il termin da recuors a l’Uffizi chantuel per svilup dal territori ed inoltreschan in seguit eventuelmaing üna posiziun.

Il president: Jakob Steiger
L’actuar cumünel: Urs Niederegger
Suprastanza cumünela La Punt Chamues-ch
La Punt Chamues-ch, ils 12 marz 2020
PDF herunterladen