10.03.2023
La suprastanza cumünela da Schlarigna ho trat als 6 marz 2023 üna decisiun concernent la seguainta fatschenda:

In connex cul provedimaint d’ova da la vschinauncha da Schlarigna sun d’evader duos lavuors chi dessan gnir fattas l’an 2023.
- Las clappas da sgürezza traunter ils singuls reservuars sun defettas. Perque nu funcziuna l’egualisaziun traunter quels pü correctamaing. Il rimplazzamaint da quistas clappas da sgürezza chaschuna cuosts ill’otezza da CHF 33’500.--.
- L’iglüminaziun aint ils reservuars es fich veglia e na cumpletta. Ella dess gnir rimplazzeda cun lampas dad LED. Siand cha’ls reservuars stöglian gnir cunagieus l’an 2023, fo que sen da rimplazzer a listess temp l’iglüminaziun. Ils cuosts stimos s’amuntan a CHF 44’500.--.
La suprastanza da Schlarigna ho appruvo per quistas lavuors ün credit da suprastanza da totelmaing CHF 78’000.-.

Tenor l’art. 23 da la constituziun cumünela es quista decisiun suottamissa al referendum da finanzas. Il temp da referendum düra 30 dis, e que dals 13 marz 2023 als 11 avrigl 2023.
La suprastanza cumünela da Schlarigna
Schlarigna, ils 11 marz 2023
PDF herunterladen