16.06.2023
La vschinauncha da Schlarigna posseda la parcella nr. 820 illa zona da minz traunter la Vietta Stredas, Vietta Spinel Giat e Vietta sur Crasta. Per promouver il spazi da viver dessan gnir fabrichedas lo abitaziuns a fit chi correspuondan als bsögns da la populaziun indigena. Cul böt da gnir al meglder resultat pussibel, ho l’incumbenzedra decis da fer üna procedura successiva cun prequalificaziun e stüdi da proget in seguit, e que cun maximelmaing 5 büros d’architectura. Cun ün stüdi da proget d’ota qualited architectonica e chi resguarda l’architectura locala dess gnir musso, cu cha’ls bsögns e’ls böts da l’incumbenzedra paun gnir ragiunts e cu cha la surfabricaziun s’integrescha armonicamaing i’ls contuorns.

Data da publicaziun i’l Fögl ufficiel dal chantun Grischun (Simap): 16 gün 2023 Termin per inoltrer la dumanda da partecipaziun: 14 lügl 2023; fin las 16:00
Oget: «Stüdi da proget Vietta Stredas»

Las dumandas da partecipaziun sun d’inoltrer a la seguainta adressa:
Immopro AG
Tiziano Menghini
Alderstrasse 40
8034 Zürich
telefon: 043 488 40 45
suprastanza cumünela Celerina/Schlarigna
Celerina/Schlarigna, ils 16 gün 2023
PDF herunterladen