10.07.2023
Dumonda d’approvaziun dal project per renovar l’Ovra idraulica Silvaplauna,
vischnanca da Silvaplauna
Exposiziun publica dals 11 da fanadur fin ils 10 d’avust 2023 tenor ils art. 57 ss. da la Lescha davart il dretg da las auas dal chantun Grischun (LDAG; DG 810.100).
La Repower SA dumonda qua d’approvar il project per mesiras da renovaziun vi da l’Ovra idraulica Silvaplauna. Per garantir in bun stadi da funcziun dals stabiliments fin la fin da la concessiun l’onn 2050, dovra l’Ovra idraulica Silvaplauna diversas renovaziuns. Sco mesiras principalas èn previsas renovaziuns architectonicas e tecnicas en il sectur da la tschiffada a l’Ova dal Vallun ed en il sectur dal conduct da transmissiun al reservuar Fratta sco er il remplazzament da la gruppa da maschinas en la centrala Silvaplauna.
Cun la dumonda d’approvaziun dal project dals 15 da zercladur 2023 vegnan dumandadas tut las permissiuns spezialas necessarias per renovar l’Ovra idraulica (coordinaziun e concentraziun da las proceduras tenor l’art. 58 LDAG).
La dumonda d’approvaziun en connex cun quai ch’è menziunà en il titel è exponida per prender invista en il Center administrativ Sinergia, Ringstrasse 10, 7001 Cuira, sco er en la vischnanca da Silvaplauna. Per l’invista fisica en il Center administrativ Sinergia sto en mintga cas vegnir fixà in termin cun la recepziun (081 257 50 55). Ils documents stattan ultra da quai er a disposiziun electronicamain sin la pagina d’internet da l’Uffizi d’energia e da traffic dal Grischun sut la rubrica «Actualitads».
Tgi ch’è pertutgà da l’exposiziun e po far valair in interess degn da vegnir protegì ch’il project vegnia realisà, impedì u midà (art. 57 en cumbinaziun cun l’art. 54 LDAG), ha il dretg da far protesta cunter il project, e quai en scrit e cun ina curta motivaziun. Il dretg da far protesta ha plinavant tgi ch’è autorisà tras il dretg federal da far quai.
Protestas Tgi ch’è pertutgà da l’exposiziun e po far valair in interess degn da vegnir protegì ch’il project vegnia realisà, impedì u midà (art. 57 en cumbinaziun cun l’art. 54 LDAG), ha il dretg da far protesta cunter il project, e quai en scrit e cun ina curta motivaziun. Il dretg da far protesta ha plinavant tgi ch’è autorisà tras il dretg federal da far quai.
Las protestas ston vegnir inoltradas entaifer il termin d’exposiziun al Departament d’infrastructura, energia e mobilitad dal Grischun, Ringstrasse 10, 7001 Cuira.
in incumbenza da la cumischiun da fabrica
Uffizi da fabrica Silvaplauna
Silvaplauna, 11 lügl 2023
PDF herunterladen