18.10.2023
Illa tschanteda dals 27 marz 2023 ho la suprastanza cumünela da Celerina/Schlarigna, decis, sün fundamaint da l’art. 7 al. 1 e 2 da la Ledscha introductiva a la Ledscha federela davart il trafic sün via (LiLTV; DG 870.100), la seguainta limitaziun dal trafic i‘l territori cumünel da Celerina/Schlarigna:
Scumand per veiculs a motor, töfs e velos a motor (Sign. 214 [sign. 2.03, sign. 2.04, sign. 2.06])
Tevla supplementera: exceptuo servezzan d’apport
Vias pertuchedas:
- Giassa da la Baselgia a partir da la Plazza da la Staziun
- Vietta Seglias a partir da ll parkegi Volg
- Giassa dal Clucher a partir da la Via Maistra
- Cuort Tschat a partir da la cruscheda Cuort Tschat / Giassa sur in direcziun baselgia Bel Taimpel
La limitaziun dal trafic es gnida appruveda als 16 avuost 2023 da la Polizia Chantunela.
Quista imsüra aintra in vigur zieva scuors il termin da recuors cull’installaziun da la signalisaziun.
Cunter la preschainta disposiziun po gnir fat, sün fundamaint da l’art. 49 ss. da la Ledscha davart la la giurisdicziun administrativa (LGA; DG), recuors in scrit infra 30 dis a partir da la publicaziun tar il Tribunel administrativ dal chantun Grischun. Il recuors es dad inoltrer in duos exemplers ed ho da cuntgnair la pretaisa da dret, ils fats ed üna motivaziun. Ils mezs da cumprouva sun da numner exactamaing e dad agiundscher a la decisiun avaunt maun, scha quella es in possess dal recurrent. Il recuors ho dad esser suottascrit dal recurrent u da sieu rapreschantant.
Suprastanza cumünela Celerina/Schlarigna
Celerina/Schlarigna, ils 19 october 2023
PDF herunterladen