03.01.2024
Tenor sia decisiun dals 11 december 2023 ed in basa a l’art. 21, cumbino culs art. 16 e 28 OPTGR (KRVO), ho la suprastanza cumünela l’intenziun dad invier la revisiun dal plaun da quartier Cristansains dals 30 settember 2008 cun regruppamaint dal terrain (2. exposiziun).
Intent Verificaziun e revisiun parziela dal plaun da quartier Cristansains dals 30 settember 2008, impustüt in reguard a (a) cumplettaziun da la planisaziun in connex cun üna surfabricaziun confuorma a la zona dal sectur ost, (b) adattaziuns materielas a l’uorden fundamentel actuel scu eir al dret superiur e (c) adattaziuns punctuelas a bsögns actuels.
Territori cumpiglio Territori actuel dal plaun da quartier tenor "Repartiziun 1:1’000", appruveda als 20 settember 2008, chi cumpiglia hoz las parcellas nrs. 21, 23, 24, 109, 110, 111, 1032, 1107, 1380, 1381, 1401, 1502, 1516, 1614 e 1943.
Actas d’exposiziun plaun da quartier Cristansains dals 30 settember 2008 consistind da:
- prescripziuns pel plaun da quartier
- inventar vegl 1:1`000
- repartiziun 1:1`000
- plaun da furmaziun 1:1`000
- plaun d’avertüra 1:1`000
Temp d’exposiziun 30 dis, dals 5 schner 2024 als 5 favrer 2024, tar l’administraziun cumünela düraunt las uras d’avertüra reguleras.
Recuors Cunter l’inviamaint previs da la revisiun dal plaun da quartier Cristansains dals 30 settember 2008 cun regruppamaint dal terrain po gnir inoltro a la suprastanza cumünela ün recuors in scrit e motivo (art. 21 al. 2, cumbino culs art. 16 al. 2 OPTGR (KRVO) ed art. 30 al. 1 OPTGR), e que düraunt il temp d’exposiziun surmanzuno.
In nom da la suprastanza cumünela
Gian Peter Niggli, president cumünel
Claudio Prevost, actuar cumünel
Samedan, ils 15 december 2023
PDF herunterladen