25.03.2024
1. Lieu e termin da l’exposiziun Il project d’exposiziun vegn – sin basa da l’art. 16 al. 1 da la lescha chantunala davart il guaud (LCG; DG 920.100) – exponì publicamain dals 26 da mars 2024 fin ils 24 d’avrigl 2024 tar l’uffizi da guaud e privels da la natira, Ringstrasse 10, 7001 Cuira, sco er tar l’administraziun communala da Zuoz, 7524 Zuoz, durant las uras d’avertura dals biros. Durant il temp d’exposiziun pon ils documents exponids er vegnir consultads e chargiads giu sut www.wald-naturgefahren.gr.ch > Actualitads.
2. Restricziun dal dretg da disponer A partir dal di che l’exposiziun è vegnida publitgada uffizialmain dovran ils projects da construcziun entaifer il territori ch’è cumpiglià dal project ina permissiun dal departament d’infrastructura, energia e mobilitad dal Grischun. Quella vegn concedida, sch’il project da construcziun n’ha naginas consequenzas engrevgiantas per acquistar terren u per realisar il project (art. 17 al. 1 LCG).
3. Protestas 3.1Legitimaziun Tgi ch’è pertutgà dal project d’exposiziun e po far valair in interess degn da vegnir protegì per abolir u per midar quel, ha il dretg da far protesta. Il dretg da far protesta han plinavant las vischnancas pertutgadas e tgi ch’è autorisà tras il dretg federal da far quai (art. 18 al. 2 LCG).
3.2Objecziuns I pon vegnir fatgas valair:
a)protestas cunter il project, spezialmain protestas cunter il project da construcziun e cunter las dumondas per ulteriuras permissiuns ch’èn colliadas cun quai sco er cunter in’eventuala expropriaziun e cunter la dimensiun da quella (art. 18 al. 3 lit. a LCG);
b)dumondas d’indemnisaziun, en spezial pretensiuns per ils dretgs che vegnan fatgs valair ed autras pretensiuns che resultan dal dretg chantunal d’expropriaziun (art. 18 al. 3 lit. b LCG). La rectificaziun da questas dumondas vegn fatga suenter l’approvaziun dal project en la procedura per l’acquist da terren (art. 20 al. 1 LCG).
3.3Termin ed adressat Protestas ston vegnir inoltradas entaifer il termin d’exposiziun cun ina curta motivaziun al departament d’infrastructura, energia e mobilitad dal Grischun, Ringstrasse 10, 7001 Cuira.
Sche pretensiuns d’indemnisaziun vegnan fatgas valair posteriuramain, ston vegnir observadas las consequenzas da la negligientscha tenor l’art. 17 da l’ordinaziun chantunala d’expropriaziun (OExp; DG 803.110).
4. Infurmaziuns Infurmaziuns davart il project d’exposiziun dat l’uffizi da guaud e privels da la natira, regiun Grischun dal sid (Gian Cla Feurstein) durant las uras da biro (tel. 081 257 50 90).
Cuira, ils 20 da mars 2024
Uffizi da guaud e privels da la natira
Il selvicultur chantunal, Urban Maissen
PDF herunterladen