12.07.2024
1. La suprastanza cumünela da Sils i. E./Segl ho l’intenziun d’introdür la seguainta limitaziun dal trafic sül territori cumünel:
Üna limitaziun dal trafic tenor l’Ordinaziun davart la signalisaziun da las vias, (CS 741.21) per il territori cumünel da Sils i. E./Segl
Pais maximel 10 t (sig. 2.16)
- Sils i. E./Segl, plazza da charrozzas sper la via da Fex,
coordinatas: 2778676 1144555
2. La tonnascha vain limiteda a 10 t per motivs da sgürezza (capacited da purter redütta) zieva examinaziun tres il büro d’indschegner da la Gruppa Pini SA
Via Cuorta 2
7500 San Murezzan.
3. La limitaziun dal trafic es gnida appruveda ouravaunt als 10-06-2024 da la Pulizia chantunela sün fundamaint da l’art. 7 al. 2 da la LI a la LTV.
4. Objecziuns e pusiziuns in connex cull’Ordinaziun davart il trafic paun gnir inoltredas infra 30 dis a partir da l’exposiziun a la suprastanza cumünela da Sils i. E./Segl, Via da Marias 93, 7514 Sils/Segl Maria. Zieva l’examinaziun da las pusiziuns entredas decida la vschinauncha e publichescha sia decisiun i’l Fögl ufficiel dal Chantun Grischun cun ün’indicaziun dals mezs leghels al Tribunel administrativ.
La suprastanza cumünela
Ils 13 lügl 2024
PDF herunterladen