05.08.2024
Causa las festiviteds a Silvaplauna Aviert in sanda, ils 10 d’avuost i’l center da Silvaplauna, restan serredas la plazza Güglia, la Via dal Farrer scu eir la Via Traviers da venderdi, ils 9 d’avuost 2024 a las 13:00 infin dumengia, ils 11 d’avuost 2024 a las 14:00 per tuot il trafic; sviamaints sun signalisos.

L’access sur la Via Traviers a las garaschas dal Hotel Albana, la Ches’Arsa, Chesa Flugi, Chesa Julier Palace, Chesa Mastrel e Chesa Volg nun es düraunt quel temp neir pussibel.

In sanda, ils 10 d’avuost vegn impü serreda la Via Maistra las 09:00 – 18:00 traunter il stabel da la Posta e la chesa cumünela per tuot il trafic.

Sülla pagina-web da www.silvaplana.ch as chatta ün plan da situaziun per las serredas da vias causa las festiviteds i’l center da Silvaplauna.

Nus ingrazchains per Lur incletta ed ans allegrains da Las / da’Ls pudair bivgnanter in sanda, ils 10 d’avuost a partir da las 09:00 al Silvaplauna Aviert.
Silvaplauna Turissem
05-08-2024, Silvaplauna
PDF herunterladen