09.11.2024
La suprastanza cumünela da Schlarigna ho trat als 4 november 2024 üna decisiun concernent la seguainta fatschenda: 
La fundaziun St. Antonius ho l’intenziun da realiser sülla parcella nr. 919 üna surfabricaziun cun abitaziuns per indigens. Taunt la fundaziun St. Antonius scu eir la vschinauncha da Schlarigna haun ün grand interess cha tela saja dad ota qualited architectonica e s’integrescha bain i’ls contuorns. Per pudair sgürer quista finamira vain fatta üna procedura da concurrenza privata. La fundaziun St. Antonius s’impegna d’observer las ordinaziuns da la ledscha davart la promoziun da spazis d’abiter da la vschinauncha da Schlarigna. I’l sen da l’art. 3 da la ledscha numneda ho la suprastanza cumünela decis da pajer üna contribuziun da CHF 50’000.- per la realisaziun da la procedura da concurrenza. 
Tenor l’art. 23 da la constituziun cumünela es quista decisiun suottamissa al referendum da finanzas. Il temp da referendum düra 30 dis, e que dals 11 november 2024 als 10 december 2024. 
La suprastanza cumünela da Schlarigna 
Schlarigna, ils 9 november 2024 
PDF herunterladen