17.06.2020
Sün fundamaint da l’art. 1 da l’Uorden chantunel davart cumpetenzas extradordinarias per las vschinaunchas (Ordinaziun davart las cumpetenzas) dals 21 avrigl 2020 ho la suprastanza cumünela decis als 27 meg 2020 dad organiser per las seguaintas tractandas üna votumaziun a l’urna invezza d’üna radunanza cumünela.

Approvaziun dal rendaquint annuel 2019 da la vschinauncha

Approvaziun dal rendaquint annuel da l’ouvra electrica

Decisiun davart fer dvanter l’ouvra electrica da Samedan independenta tres la transfurmaziun in ün’instituziun da dret public cun eigna persunalited giuridica auncha da funder

Dumandas da credit da CHF 470’000 per la realisaziun da la fermeda da bus Cho d’Punt

Dumanda da credit da CHF 196’000 per la realisaziun d’üna via da penduns traunter la punt da la VR e la rundella Cho d’Punt

Approvaziun da la revisiun parziela da la planisaziun locala. Plan da zonas 1:1000 ospidel e plan zonas 1:1000 Surpunt

Las tractandas vegnan explichedas in üna missiva a las votantes ed als votants ed accumpagnedas cun ün’arcumandaziun da vuscher da la suprastanza cumünela.

Ultra da que vain effettueda la votumaziun a l’urna bannida pels 17 meg 2020 e spusteda causa COVID-19 per la dumanda da credit da CHF 1’600’00 per la colliaziun da trafic plaun in direzciun Cho d’Punt.

La votumaziun a l’urna ho lö als 19 lügl 2020.
La suprastanza cumünela
ils 18 gün 2020
PDF herunterladen