10.01.2026
Applitgond l'art. 48 al. 4 da la Lescha davart la planisaziun dal territori per il chantun Grischun (LPTGR; DG 801.100) vegn realisada l'exposiziun da recurs per la revisiun parziala da la planisaziun d'utilisaziun «Revitalisaziun da l'En e da l'Ova Chamuera» da la visch­nanca da La Punt Chamues-ch, che la radunanza communala da la Punt Chamues-ch ha concludì ils 12 da december 2025. 
Object:
Revisiun parziala da la planisaziun d'utilisaziun «Revitalisaziun da l'En e da l'Ova Chamuera»
Actas d'exposiziun:
  • Plan da zonas e plan general da furmaziun 1:2000 (Revitalisaziun da l'En)
  • Plan general d'avertura 1:2000 (Revitalisaziun da l'En)
  • Plan general d'avertura 1:2000 (Revitalisaziun da l'En – mountainbike)
Basas:
  • Rapport da planisaziun e da cooperaziun, revisiun parziala, Revitalisaziun da l'En, cun agiuntas:
  • Plan da procedura e da process (project general, incl. tut ils projects parzials)
  • Plan d'infurmaziun 1:2000, project general per la revitalisaziun da l'En (survista da las mesiras)
  • Plan d'infurmaziun 1:5000, plan da zonas revedì, PGF e PGA integrà, stadi legalmain valaivel
  • Dumonda da runcar / rapport davart la cumpatibilitad ecologica RCE (Infurmaziun: la dumonda da runcar ed il rapport davart la cumpatibilitad ecologica RCE per il project da revitalisaziun èn parts integralas dal project d'exposiziun per la correcziun da las auas «Revitalisaziun da l'En» e betg da la planisaziun d'utilisaziun)
Durada da l'exposiziun:
12 da schaner fin 13 da favrer 2026
Lieu ed uras d'exposiziun:
Chanzlia communala da La Punt Chamues-ch, durant las uras d'avertura
Midadas tras la radunanza communala suenter l'exposiziun da cooperaziun dals 2 d'october fin ils 3 da november 2025:
Plan da zonas e plan general da furmaziun 1:2000

  • Nova determinaziun da las zonas d'auas sin fundament da las midadas en connex cun duas auas pitschnas en il territori Palüds, parcellas 687, 692, 693, 781, 782, 783, 786, 788 ed 806.
  • Adattaziun da las conturas dal guaud tenor la determinaziun dal guaud da l'Uffizi da guaud e privels da la natira (UGP): al passadi Saletschas parcella 685 (sco fin ussa zona da l'ulteriur territori communal), cleragls a Zardin parcella 970 ed a Plaun da Larschs parcella 969 (da nov zona d'agricultura), cleragl parcella 833 (guaud empè da zona da l'ulteriur territori communal), surfatscha d'aua parcella 802 (da nov zona da l'ulteriur territori communal) sco er arrundaziuns minimalas en tscherts lieus (da nov guaud, zona da l'ulteriur territori communal u zona d'agricultura).
Plan general d'avertura 1:2000

  • Pitschnas adattaziuns en il sectur da revalitaziun e d'utilisaziun, Lejet da Saletschas parcella 685 (pervia d'engrondiment da la surfatscha d'aua).
  • Pitschnas adattaziuns dal trassé da la via forestala ed agricula, da la senda e via da viandar e da la senda da viandar l'enviern a Saletschas parcella 685 (en il sectur dal traject Inn-Hub).
  • Cumplettaziun da la senda da viandar l'enviern per lung dal nov trassé da la senda da viandar Ova Chamuera parcella 685 (per lung da l'ur dal guaud Saletschas – Seglias)
  • Nov trassé da la via forestala ed agricula, da la via e senda da viandar e da la senda da viandar l'enviern en il territori Palüds parcellas 780, 793, 794, 805, 806 e 977 (pervia da midadas dal trassé, auas pitschnas).
  • Pitschnas midadas dal trassé da la senda e via da viandar a Funtauna Merla parcellas 802, 807 ed 823 (inclusiv stizzar paucs meters via forestala ed agricula al cunfin cun Bever).
  • Pitschnas adattaziuns dal trassé da la loipa da passlung a Campesch parcellas 808 ed 812 (access da la loipa al cunfin cun Bever).
  • Cumplettaziun da la loipa da passlung existenta en il territori Seglias parcellas 685, 695, 720, 722, 724, 725 (tenor la determinaziun vertenta cun vigur legala).
Recurs da planisaziun:
Persunas che han in agen interess degn da vegnir protegì vi da la contestaziun da la planisaziun u ch'èn legitimadas tenor il dretg federal da far recurs, pon inoltrar entaifer il temp d'exposiziun in recurs da planisaziun en scrit a la Regenza.
Organisaziuns da l'ambient:
Las organisaziuns da l'ambient fan valair lur dretg da recurs concernent la revisiun parziala a norma da l'art. 104 al. 2 LPTGR, q.v.d. ellas annunzian lur participaziun a la procedura entaifer il termin da recurs a l'Uffizi per il svilup dal territori dal Grischun ed inoltreschan alura eventualmain ina posiziun.
La Punt Chamues-ch
La suprastanza communala
PDF herunterladen