20.07.2020
La suprastanza cumünela da Segl/Sils i. E. ho l’intenziun d’introdür sün territori cumünel da Segl las seguaintas restricziuns da trafic:

Scumand per velos e töfs (sig. 2.05)
- Segl/Sils i. E., penisla Chastè e via a la riva dal lej baja la Chazza
- Segl/Sils i. E., via panoramica Fex (via da god) davent da Crasta fin Sar Antoni (Chalchais)
- Segl/Sils i. E., chavorgia da Drög davent da la plazza cumünela Segl Maria fin tar l’imbuochadüra Via Cartinellas

Als reglamaints planisos vaiva la pulizia chantunela grischuna aderieu ouravaunt als 19 gün 2020 in basa a l’art. 7 al. 2 (LILTV). Cun quels as voul der la preferenza als peduns per passer ils tragets strets pertuchos sainza prievel tres velos u töfs.

Objecziuns e pusiziuns pertuchand ils reglamaints planisos as po inoltrer infra 30 dis a partir da quista publicaziun tar la suprastanza cumünela da Segl/Sils i. E. La vschinauncha decida zieva l’examinaziun da las inoltraziuns e publichescha las decisiuns cun indicaziun dals mezs leghels i’l fögl ufficiel chantunel.
Segl, ils 21-07-2020
La suprastanza cumünela
PDF herunterladen