02.09.2020
La suprastanza cumünela da Samedan ho appruvo als 25 avuost 2020 la cunvegna da prestaziun traunter la vschinauncha politica da Samedan ed il Parc Naziunel Svizzer (PNS) davart üna contribuziun da finaziaziun a las prestaziuns dal PNS. Cun üna contribuzun annuela i’l import da CHF 100‘000 tres tuot las vschinaunchas da las regiuns Malögia ed Engiadina Bassa Val Müstair vegnan miss a disposiziun al PNS ulteriurs mezs per lezchas chi surpassan ils dovairs stipulos illa Ledscha dal Parc Naziunel. In prüma lingia sun que la gestiun dals centers da visitaduors, la comunicaziun scu eir il svilup da la spüerta. Cun la cunvegna da prestaziun s’oblaja la vschinauncha da Samedan da praster per la düreda dals 1. schner 2021 fin als 31 december 2024 üna contribuziun annuela confuorma a sia part da CHF 7’573.00.

La conclusiun da la cunvegna da prestaziun suottasto al referendum da finanzas facultativ seguond l’art. 22 al. 1 da la constituziun cumünela. Scha almain 175 votantas e votants pretendan in scrit, infra 14 dis a partir da la publicaziun, üna votaziun a l’urna, vain la vigur leghela da quista decisiun suspaisa. Scha’l referendum passa sainza cha vegna fat adöver, survain la decisiun da la suprastanza cumünela vigur leghela. Il termin da referendum scrouda in gövgia ils 17 settember 2020.
La suprastanza cumünela
Ils 3 settember 2020
PDF herunterladen