04.09.2020
Tenor l’artichel 10 da l’Uorden da sepultüra e sunteri da la vschinauncha da Silvaplauna e da la fracziun dobla da Champfèr es la chüra da las fossas incumbenza dals confamiliers. Quists sun oblios da mantegner ils monumaints in ün bun stedi e da pisserer per la chüra da las plauntas da la fossa. Scha quist oblig nu vain accumplieu, procura l’administraziun cumünela pel necessari a charg dals confamiliers. Decoraziuns da fluors ed implaunts chi daun disturbi a las otras fossas vegnan allontanos tres l’administraziun cumünela.

Confamiliers sun intgnieus da chürer las fossas e da mantegner quellas in ün bun stedi. Fossas cun implaunts chi creschan surour il ram da la fossa e plantas chi surpassan l’otezza da 50 cm, gnir taglios inavous resp. da gnir alluntanos bös-chs sün fossas fin in lündeschdi, ils 28 settember.
Zieva quista data effettuescha la vschinauncha las imsüras necessarias a charg dals confamiliers.
Alveda da fossas I’l sunteri da Champfèr Tenor l’art. 3 da l’Uorden da sepultüra e sunteri da la vschinauncha da Silvaplauna e da la fracziun dobla da Champfèr vain l’alveda da fossas cun düreda scuorsa, publicheda e comunicheda in scrit als confamiliers, premiss cha existan auncha lur adressas, resp. cha’s laschan auncha eruir.

I’l sunteri da Champfèr vegnan alvedas fin a la fin d’october las seguaintas fossas :

Sunteri da Champfèr:

•Burkhalter Gottfried
•Casutt Milla
•Filla Anna e Peter
•Robbi Paolo
•Rogantini Bruno
•Schudel Max e Helena
•Signorell Walter

Ils craps sepulcrels e’ls rams da fossas staun a disposiziun als confamiliers fin als 30 november 2020. Zieva quella data vegnan quists allontanos tres la vschinauncha e missa in quint las expensas.
Silvaplauna, in settember 2020
Direcziun Silvaplauna
PDF herunterladen