28.10.2020
Proposta da plan da la Viafier retica (VR):
Dumanda: Samedan – Puntraschigna, rimplazzamaint da trais punts d’atschel
Petenta Viafier retica SA, Bahnhofstrase 25, 7001 Cuira
Lös Vschinaunchas: Samedan, Celerina/Schlarigna e Puntraschigna
Object Samedan – Puntraschigna, rimplazzamaint da punts d’atschel
Procedura La procedura as drizza seguond l’art. 18 ss. da la Ledscha federela da viafier (Lviafier; CS 742.101) e l’Ordinaziun davart la procedura d’approvaziun da plans per implaunts da viafier (VPVE; CS 742.142.1). Autorited directiva per la procedura es l’Uffizi federel da trafic (UFT).
Exposiziun publica La documainta da la dumanda es exposta ad invista i’l Center administrativ da la Sinergia, Ringstrasse 10, 7001 Cuira, scu eir illas administraziuns cumünelas da Samedan, Celerina/Schlarigna e Puntraschigna, da venderdi, ils 30 october 2020 a lündeschdi, ils 30 november 2020. Per ün’invista fisica illa Sinergia ho da gnir fixo obligatoriamaing ün termin culla recepziun (081 257 50 55). Ultra da que exista la pussibilted da piglier invista da las actas sülla pagina d’internet da l’Uffizi per energia e da trafic dal Grischun suot la rubrica "actualiteds".
Recuors Chi chi’d es partieu seguond las prescripziuns da la Ledscha federela davart la procedura administrativa (VwVG; CS 172.021) u da la Ledscha federela davart l’expropriaziun (EntG; CS711), po recuorrer infra il termin d’exposiziun.

Recuors motivos sun d’inoltrer in scrit in duos exemplers a l’uffizi federel da trafic (UFT), Secziun permiss II, 3003 Berna.
Chi chi nu fo recuors es exclus da l’ulteriura procedura (art. 18f al. 1 Lviafier).
Expropriaziun Infra il termin d’exposiziun sun però da fer valair eir tuot las objecziuns da dret d’expropriaziun scu eir dumandas d’indemnisaziun u prestaziuns materielas (art. 18s. al. 2 Lviafier).
Cuira, ils 29 october 2020
Uffizi per energia e trafic dal Grischun
Secziun trafic public
PDF herunterladen