Nemo ho gadagno il «Eurovision Song Contest» (ESC). Plaunet as haun las medias quietedas ün pô e nus ans pudains darcho concentrer sün nossa vita da minchadi. Ed eau am poss concentrer sün ün’analisa democratica dal sistem da voter da l’ESC. Üngün nun ho nempe bado cha Nemo ho ruot aunch’ün oter code. Ün code democratic svizzer. E que es ieu uschè:
Chi chi voul guadagner l’ESC stu clapper uschè bgeras vuschs dal public e dad üna giuria scu pussibel. La giuria as cumpuona da rapreschantantas e rapreschantants da mincha pajais chi’s partecipescha a quista concurrenza.
Nemo ho clappo la magiurited da las vuschs da la giuria, ma es rivo be sül tschinchevel rang da las vuschs dal public. Ils artists da la Croazia, l’Ucraina, la Frauntscha e da l’Israel haun clappo dapü vuschs dal public scu Nemo National.
Votaziuns in Svizra pretendan in generel la magiurited dal pövel. Per votaziuns importantas sül s-chelin federel (per exaimpel per müder la constituziun) as drouva eir auncha la magiurited dals chantuns («Ständemehr»). Scha’s riva be sülla magiurited da las vuschs dal pövel, ma quellas vuschs vegnan be our da pochs chantuns, nu güda que ünguotta – la proposta vo giò per la foura.
Da l’otra vart es que eir uschè: Scha bgers (pitschens) chantuns dischan da schi, ma que nu’s riva istess na sülla magiurited da tuot il pövel, vo l’iniziativa sül palperi vegl. Ma que nu do üngüna votaziun, inua cha basta la magiurited be dals chantuns.
A la concurrenza da l’ESC vegnan eir quintedas las vuschs dal pövel – scu eir las vuschs dals pajais. Ün evenimaint mediel democratic! Mia orma federela clappa güsta il battacour. Ma che differenza in conguel culla Svizra. Vess Nemo stuvieu ir tres üna votaziun federela – que nu füss reuschieu. A l’ESC as po guadagner culla magiurited dals pajais («Ständemehr») adonta da na esser rivo sülla magiurited tal pövel. Nemo ho guadagno precis uschè. Per ün democrat svizzer es que insolit. Bod già üna violaziun da la constituziun – da nos code svizzer. Nemo aintra ill’istorgia democratica da la Confederaziun Elvetica. Nemo es scu unica persuna svizra riveda da guadagner üna votaziun be culla magiurited dals pajais (chantuns). Nemo ho ruot il code.
Chi chi voul guadagner l’ESC stu clapper uschè bgeras vuschs dal public e dad üna giuria scu pussibel. La giuria as cumpuona da rapreschantantas e rapreschantants da mincha pajais chi’s partecipescha a quista concurrenza.
Nemo ho clappo la magiurited da las vuschs da la giuria, ma es rivo be sül tschinchevel rang da las vuschs dal public. Ils artists da la Croazia, l’Ucraina, la Frauntscha e da l’Israel haun clappo dapü vuschs dal public scu Nemo National.
Votaziuns in Svizra pretendan in generel la magiurited dal pövel. Per votaziuns importantas sül s-chelin federel (per exaimpel per müder la constituziun) as drouva eir auncha la magiurited dals chantuns («Ständemehr»). Scha’s riva be sülla magiurited da las vuschs dal pövel, ma quellas vuschs vegnan be our da pochs chantuns, nu güda que ünguotta – la proposta vo giò per la foura.
Da l’otra vart es que eir uschè: Scha bgers (pitschens) chantuns dischan da schi, ma que nu’s riva istess na sülla magiurited da tuot il pövel, vo l’iniziativa sül palperi vegl. Ma que nu do üngüna votaziun, inua cha basta la magiurited be dals chantuns.
A la concurrenza da l’ESC vegnan eir quintedas las vuschs dal pövel – scu eir las vuschs dals pajais. Ün evenimaint mediel democratic! Mia orma federela clappa güsta il battacour. Ma che differenza in conguel culla Svizra. Vess Nemo stuvieu ir tres üna votaziun federela – que nu füss reuschieu. A l’ESC as po guadagner culla magiurited dals pajais («Ständemehr») adonta da na esser rivo sülla magiurited tal pövel. Nemo ho guadagno precis uschè. Per ün democrat svizzer es que insolit. Bod già üna violaziun da la constituziun – da nos code svizzer. Nemo aintra ill’istorgia democratica da la Confederaziun Elvetica. Nemo es scu unica persuna svizra riveda da guadagner üna votaziun be culla magiurited dals pajais (chantuns). Nemo ho ruot il code.
Diskutieren Sie mit
Login, um Kommentar zu schreiben