Serrà s-chalin ot causa grippa

Daspö gövgia es il s-chalin ot dal Consorzi da scoula AfinZ serrà causa grippa. «80 pertschient dals scolars e da la magistraglia da singulas classas sun amalats», disch Reto Lehner, il manader da scoula dal consorzi da scoula al qual fan part ils scolars dal s-chalin ot dals cumüns dad Ardez fin Zernez. Schi’s tratta da la grippa da purschlins nun es cler, divers simptoms sajan però avantmans.