Cumprader per la Chamonna Naluns

Il Club da skis da Scuol ha chattà ün cumprader per la Chamonna Naluns. Our da quatter offertas ha la suprastanza decis per quella dal fiduziari Roger Taverna da Scuol. Ils contrats da vendita ston uossa amo gnir sancziunats da la radunanza dal club da skis e da la radunanza dal cumüns da vaschins, sco possessur dal terrain. La radunanza dal club da skis varà lö als 11 marz. Fin la fin da mai dess esser la vendita definitiva.