Il GKI das-cha expropriar terrain

L’Ouvra electrica cumünaivla En (GKI) chi’d es previssa tanter Martina e Prutz in Austria, das-cha expropriar terrain da la ditta Engiadinalaina SA a Martina per fabrichar ün cuntschet per proteger cunter auazuns. Quai ha decis ultimamaing il Güdisch administrativ federal e confermà uschè üna decisiun da l’Uffizi federal per l’ambiaint, trafic, energia e comunicaziun (Uvek).