Elets i'l prüm scrutin i'l cussagl da scoula sun Duri Roner cun 390 vuschs ed Adrian Schorta (1994) cun 340 vuschs. La majorità absoluta d'eira pro 134 vuschs. Duos ulteriurs commembers dal cussagl da scoula ston gnir elets in occasiun dal seguond scrutin dals 27 november. Candidaturas ston entrar pro'l cumün da Zernez fin als 23 october.

Illa cumischiun sindicatoria sun gnüts elets Claudia Duschletta (415 vuschs), Schimun Grass (405 vuschs) e Giancarlo Neuhäusler (379 vuschs). Il quart sez gnarà occupà in occasiun dal seguond scrutin. Candidaturas ston eir gnir inoltradas fin als 23 october.