Quist on va il premi a l’autura engiadinaisa Gianna Olinda Cadonau. Tenor la fundaziun Studer/Ganz saja la giuria stada impreschiunada da la multifarietà dal roman, chi tematisescha l’invalidità corporala e psichica. 

Gianna Olinda Cadonau es naschüda a Panaij, India, ed es creschüda sü a Scuol. Ella maina daspö il 2010 la partiziun da cultura da la Lia Rumantscha e s’ingascha sco intermediatura da litteratura. Tanter oter organisescha ella eir il festival da teater chi varà lö l’on chi vain a Zuoz. Ella scriva regularmaing poesias e prosa in lingua rumantscha e tudais-cha. (so/fmr)