FMR: Diego Deplazes ha demischiunà sco secretari general da la Lia Rumantsha. Es quai per Vussas üna surpraisa?

Gianna Luzio: Quai es üna decisiun persunala da Diego Deplazes cha nus respettain natüralmaing. El voul manar inavant sia carriera professiunala i’l sectur social e quai esa da respettar. Nus ingrazchain ad el pella collavuraziun chi’d es statta excellenta – e deplorain la decisiun.

Che bilantsch fais Vussas da quists s-chars duos ons cun Diego Deplazes sco secretari general?

Urezza Famos: Diego Deplazes ha instradà il rinforzamaint da las structuras operativas dürant seis temp ed ha accumpagnà las decisiuns a reguard la strategia da la Lia Rumantscha. Avant ün on es eir la suprastanza da la Lia Rumantscha gnüda eletta da nouv. Diego Deplazes ha sustgnü bain quistas decisiuns.

Tenor la comunicaziun a las medias banduna Diego Deplazes la Lia Ruman-tscha per la fin da favrer. Co vaja uossa inavant?

Gianna Luzio: La lavur operativa da Lia Rumantscha da metter intuorn la strategia chi’d es gnüda instradada vain manada inavant. E schi, la plazza dal secretari general o da la secretaria generala vain darcheu scritta oura e nus eschan averts per tuot ils profils.

Intervista: Sandro Buchli/fmr