Che as poja tuot far per rumantsch? As riva per exaimpel da «slammar» eir in lingua rumantscha? Voul dir: vaja a performar texts poetics in ün poetry slam eir in net e s-chet ladin? – La resposta han dat in sonda saira a Sent ...
Ün «viva» sülla poesia viva
I nun es stat il prüm poetry slam rumantsch, ma probabel la prüma «battosta poetica» in territori ladin. L’Uniun dals Grischs ha invidà in sonda saira illa Grotta da cultura a Sent al prüm da quatter poetry slams ch’ella organisescha dürant quist on.
Sül palc e sülla cuotscha dal poetry slam ladin da sonda saira a Sent (da schnestra): Janic Maskos, Selina Müller, Romana Ganzoni (moderatura), Nadja Hort e Hannah Flury (fotografia: David Truttmann).
Diskutieren Sie mit
Login, um Kommentar zu schreiben