Sco cha’l cumün da Val Müstair ha scrit i’l Mas-chalch actual – l’organ da publicaziun ufficial – s’han annunzchadas duos persunas culla cugnuschentscha professiunala necessaria sün l’annunzcha. La suprastanza cumünala s’ha a la fin decis per üna soluziun interna ed ha perquai elet a Manuela Gross sco successura da Not Manatschal. Ella ha tenor il cumün da Val Müstair fingià cumanzà culla scolaziun d’administraziun publica e cumainza als 1. october 2025 sco chanzlista, al principi amo in üna fasa transitoria cul chanzlist actual. (cdm/fmr/cam)