Tenor üna comunicaziun a las medias ha Thierry Müller, manader da la partiziun trafic public da l’Uffizi d’energia e da trafic dal Grischun, manà tras l’occurrenza chi staiva suot l’insaina da la mobilità transcunfinala da la Terra Raetica.

Rapreschantantas e rapreschantants d’associaziuns da trafic e dal svilup regiunal da la Terra Raetica – Tirol dal Nord, Tirol dal Süd e da la regiun Engiadina Bassa/Val Müstair sco eir rapreschantantas e rapreschantants da la politica s’han partecipats als discuors. Insembel hana discutà davart svilups e sfidas actualas illa mobilità transcunfinala e davart cooperaziuns futuras. (cdm/fmr)

FMR

La FMR (Fundaziun Medias Rumantschas) furnischa cuntegns medials scrits (per exaimpel texts e graficas) e fotografias per mans da las medias rumantschas. Ella scriva seis artichels in tuot ils tschinch idioms ed in rumantsch grischun. La FMR incumbenzescha eir a persunas rumantschas dastrusch e lontan da scriver columnas sur da quai chi tils occupa illa vita da minchadi.